Er Gústi ekki búinn að láta hann vita??????

Alonso hefur ekki verið að fylgjast með útsendingum á Stöð2 Sport, þegar einlægur stuðningsmaður tjáði alþjóð að Alonso tæki titilinn í ár með Renault. Það er skelfilegt að vita til þess að svona frábær ökumaður skuli gefast upp, án þess að kynna sér betur hvað Gústav Dalonso er búinn að ákveða fyrir liðið. Vonandi ná þeir félagar að samræma betur aðgerðir sínar fyrir næsta ár og kannski ætti Gústi að kynna sér betur hvað blágula hetjan hans hefur í huga áður en væntingarnar rjúka upp úr þakinu.

Alonso afskrifar Renault úr toppslagnum

Hver væri ekki svekktur??????????

Eftir frábæra frammistöðu um helgin klikkar Massa með gott forskot á næsta bíl. Hvað klikkaði? Hann veit það ekki sjálfur, en hvað það var sem klikkaði, þá var það fúlt. Ég er alltaf með varan á mér þegar Ferrari er með svona gott forskot og það reyndist rétt hjá mér að fagna ekki of snemma, en hvað sem frammistöðu Massa til þessa líður þá á hann eftir að koma einbeittari í næsta mót og láta verulega að sér kveða. Hann hefur allt of lengi verið meðvirkur ökumaður og er líklega góður liðsfélagi sem slíkur, en það þarf alltaf eitthvað svona til að vekja hann af værum blundi. Ég hefði haldið að Ástralíukappaksturinn hefði dugað til en þessi klaufaskapur ætti að duga. Kimi stóð sig frábærlega og það var aldrei í myndinni að aðrir ökumenn gætu keyrt hann uppi, meðan hann og bíllinn héldu haus. Helgin lofar góðu fyrir Ferrari og meðan þeir halda uppi þessum hraða verða þeir hinum liðunum erfiðir. Aðkoma Jean Todt hefur eflaust haft einhver áhrif á liðið, og vonandi fer Stefano Domenicali að ná betri tökum á stjórninni og sýna að hann sé verðugur arftaki Todt.

Massa svekktur

Broskallinn..................

Ég held að einlægur aðdáandi Alonso á Íslandi númer eitt ætti að leita til Alonso og fá hjá honum skammt af þeim lyfjum sem hann er að taka þessa dagana. Það er rétt sem Gústi hefur haldið fram að Briatore hefur kreist fram brosi á Spánverjann og hógværðin sem hreinlega lekur af Alonso núna, mætti slettast aðeins á Gústa. Stóryrtur fullyrðingaflaumur þessa ágæta 1/2 bróður er ekki í neinum takti við raunveruleikann, ólíkt ædolinu. Renault er ekki samkeppnishæfur þessa stundina og verður ekki þetta árið. Meira að segja Alonso gerir sér grein fyrir því. Renault hefur í gegn um árin komið með margar nýungar inn í formúluna, eins og trubovél árið 1977 og hefur skaffað vélar fyrir fjölda liða. Eftir að Renault keypti Benetonliðið og kom aftur inn í formúluna 2001 var Renault að narta í toppliðin, en velgengni Renault hófst fyrir alvöru þegar dekkjaframleiðandinn Michelin vann með Renault að þróun dekkjanna og stórbættu fjöðrunarkerfi Renault, sem leiddi til þess að Renault hafði visst forskot á andstæðinga sína, enda hefur Renault ekki gengið eins vel eftir að Michelin hætti. Hvort Alonso takist að bæta bílinn eitthvað hjá Renault eða ekki er geðslag hans mun betra en í fyrra og vonandi tekst Gústa að aðlagast sálufélaga sínum áður en hann er endanlega búinn að drulla upp á bak.

Alonso: Gat ekki gert betur

Réttláttur dómur!!!!

Ég var að furða mig á þessu drolli hjá þeim McLaren og BMW, en þeir áttu séns á einum hring enn eins og þeir Alonso og Heidfeld. Í nýju tímatökureglunum er tekið á bensínsóun og núna byrja 10 fremstu bílarnir með það bensín sem er á bílunum eftir tímatökuna, svo líklega voru þeir að spara dropann. Það verður spennandi keppi í fyrramálið og svo kemur rigningin til með að hrella mannskapinn. Spáin fyrir morgundaginn er þrumuveður með skúrum, eða öllu heldur heilu bröggunum, og þá verður spólað og spólað í bleytunni. Það verður fróðlegt að sjá hverjir ráða við bleytuna án spólvarnarinnar og miðað við afföllin á þurri braut í síðustu keppni, þá verður enginn eftir í þessari ef það rignir. Ferrari voru fljótastir í dag og í góðri stöðu fyrir keppnina á morgun og vonandi ná þeir að halda uppi þessum hraða sem þeir hafa verið að sýna.

 

 

Ökumenn McLaren færðir aftur á rásmarki fyrir hindrun

Æfingar lofa góðu fyrir Ferrari..................

Ég var að fylgjast með seinni æfingunni í endursýningu og það var gaman að sjá að Ferrari ætlar sér stóra hluti um helgina. Þó að Hamilton hafi tekist að bæta tíma þeirra Ferrarimanna þá er ekki að sjá annað en Ferrari sé ca. sekúndu fljótari en aðrir. Það virðast vera einhverjar væntingar hjá þeim sem skrifar greinar á visir.is um að Hamilton fari til Ferrari, skoðið þessa slóð "http://www.visir.is/article/20080321/IDROTTIR04/80321005", en Ferrari er með tvo ökumenn og þurfa ekki fleiri. Félagar mínir skruppu í viðtal hjá Gulla á Stöð2 Sport í gær og mættu þar Guðna McLarenmanni. Guðni var mjög málefnalegur og Svenni var í góðu jafnvægi og tók afhroði Ferrari um síðustu helgi með stóískri ró eins og ísmaðurinn, en Gústi 1/2bróðir hélt uppi merki Alonso og bunaði út úr sér fullyrðingar um ágæti Alonso og meintan aumingjaskap Ferrari og McLarenmanna. Ég fékk þarna staðfestingu á því sem mig hefur grunað lengi, með fullri virðingu fyrir Gústa, en hann hefur bara ekkert vit á Formúlu 1, hann hefur bara vit á vitleysunni í Alonso. Fullyrðingar um að Ron Dennis, sem hefur stjórnað með góðum árangri frá því áður en Alonso fæddist, sé lélegur stjórnandi lýsa best hversu blindur maður Gústi er. Hann heldur enn að ef hann segir nógu oft hvernig honum finnst hlutirnir eiga að vera, þá sé það heilagur sannleikur, en þannig er það nú bara ekki. Nú er nokkuð víst að ég fæ einhverjar glósur frá Gústa mínum um hvað sé "rétt" í þessu og það verður bara gaman. Það verður gaman að fylgjast með tímatökum í fyrramálið og mín sannfæring er sú að Ferrari slær Mclaren við og aðrir verða ekki með í myndinni.

 

Hamilton flaug fram úr

Er pláss fyrir Vettel ?"?"?"?"?"?"?"?"?"?

Þessi samningamál eru alltaf jafn skrýtin. Það er alveg sama þó einhver segist vera með samning við lið eða ökumann, þá virðast samningarnir aldrei halda vatni þegar á reynir. Ef ökumaðurinn vill fara, þá fær hann að fara, bara spurning um peninga. Ég veit ekki hvað Massa á mikið eftir af sínum samningi og hvort það verður pláss fyrir Vettel eða einhvern annan á næsta ári, en ef Vettel og Ferrari vilja breyta til þá gera þeir það, Ferrari borgar bara brúsann og allir happy ever after. Renault gerði þetta í fyrra, sem dæmi og mörg önnur dæmi eru til um þetta. Þeir ökumenn sem ég hefði viljað sjá í stað Massa fyrir utan Vettel eru þeir Kubica og Rosberg, og einnig kæmi Bourdais til greina, en hann er kannski full gamall og franskur í þokkabót. Annars er Massa hörkudriver og hefur bara staðið sig vel hjá Ferrari og ekki má gleyma því að árangur hans var frábær í fyrra, skilaði stigum í öllum keppnum nema þremur og endaði í fjórða sæti með 94 stig.

Berger blæs á bullið

Hvað geta þeir bullað í kvöld ?

Tveir félagar okkar í umræðuþættinum hjá Gulla Rögg í kvöld.  Þetta eru Gústav Alanso dýrkandi og Svenni Fiat aðdáandi. Skora á félaga mína að missa ekki af þessu, alltaf gaman að hlusta á bullið í þeim.  Frábært þegar þeir voru síðast hjá Gulla, fyrir keppnina í Japan 2007 ef ég man rétt þá sagði Svenni:  "Ég vona að mínir menn Kimi og Raikkonen nái góðu starti".  Bara snilld, þið megið ekki missa af þessum þætti kl. 20:00 á Stöð2 sport.

Of mikið í einu???????????''

Ég hef verið að velta því fyrir mér hvort allar þessar breytingar hjá Ferrari séu ekki of margar á of stuttum tíma. Shumi hélt þessu liði á floti í þó nokkur ár og eftir að hann hætti fóru þeir að tína tölunni, Ross Brawn hættir í fyrra og Jean Todt færður í forstjórastólinn sem hann stendur upp úr núna. Nýir menn komnir í staðinn eins og gefur að skilja og spurningin er hvort þeir valda þessu hlutverki? Ítalska pressan réðist á Stefano Domenicali eftir síðustu keppni, þar sem hann stjórnaði fyrstu keppni sinni sem liðstjóri og ég set spurningarmerki við stjórnun hans í kringum pitstoppið hjá Kimi, en mér fannst vera út í hött að taka hann ekki inn á meðan öryggisbíllinn var í brautinni. Þetta gerði Kimi erfiðara fyrir og þurfti hann að taka meiri sénsa fyrir bragðið. Það jákvæða við síðustu keppni var að sjá hversu hraðskreiður Ferraribíllinn var, þrátt fyrir að vera á einu stoppi og lofar það góðu með framhaldið og vonandi tekst þeim að koma í veg fyrir frekari bilanir í bílnum. Það verður fróðlegt að sjá hvort næsta keppni einkennist af taugaveiklun, eða hvort fagmennskan sem hefur einkennt Ferrariliðið njóti sín. Annars spá þeir rigningu í Sepang um helgina og við þannig aðstæður ræður heppnin oft úrslitum.

Todt hættir sem forstjóri Ferrari

Eru takkarnir vandamál hjá McLaren?????????

Er það tilfellið að takkar í stýri séu að gera McLaren mönnum lífið leitt. Núna virðist Alonso hafa grætt á því og Kimi í fyrra. Mér finnst það fallega gert hjá Gene að benda Denna á þetta og í staðinn fyrir að firrast yfir því, ætti hann að breyta rattinu eða ráða ökumenn með minni putta. Það er kannski ekkert skrýtið að menn reki puttana í þessa takka eins þétt og þeir eru. Skoðið þessar myndir af annars vegar Ferraristýri og hins vegar McLarenstýri. Svo er fróðlegt að skoða þessa slóð " http://www.mclaren.com/features/technical/interactive_steering_wheel.php " og skoða ljósbláa takkann sem merktur er TC. Ef bendillinn er látinn hanga yfir TC takkanum má sjá að McLaren er alveg tilbúnir í spólvörnina aftur, ef hún er þá aftengd hjá þeim?

 

 

 

 

Gene segir hraðastillinn hafa haft titil af Hamilton

Froðufellandi Fáráðlingar á Farlama Ferrari..............

Ég var svo svekktur og fúll út í mína menn og var búinn að skrifa þetta líka skammarblogg í morgun eftir keppnina, en ýtti svo á rangan link þegar ég ætlaði að senda það og allt hvarf eins og árangur Ferrari í þessu móti, svo ég fór bara í rúmið og svaf fram að hádegi. Ég hef aldrei sé annað eins klúður hjá mínum mönnum áður. Er þessi nýi stjóri eitthvað klikk, eins og Steinríkur segir svo oft um þessa rómverja. Planið gekk engan vegin upp og það var bara heppni fyrir Kimi að öryggisbíllin kom út í restina, annars hefði hann aldrei náð hópnum, en Kimi hefði átt að fara í bensínstopp meðan öryggisbíllinn var í brautinni en ekki eftir að keppnin fór aftur í gang. Ég held að þeir hafi panikað þarna í brúnni og Kimi tók full mikla sénsa, sem varð honum að falli og eins og svo oft áður bitnar það á bílnum. Taktarnir hjá Massa minntu óneitanlega á bremsubúnað Höska í gokart, og furðulegt að Massa hafi getað haldið áfram eftir þetta samstuð. Eitt af því sem kom mér á óvart var hvað Barrichello fékk léttvæga refsingu fyrir að fara út úr pyttinum á rauðu ljósi, var ekki verið að dæma menn úr keppni fyrir sama brot í hitteðfyrra? Ljósi punkturinn í þessu móti er sá að litlu liðin svokölluðu eru að koma til og gerir það mótið vonandi meira spennandi. Þegar búið er að fara með alla farsana, eins og "Fall er fararheill" og "Gengur bara betur næst" og aðra svoleiðis réttlætingar fer maður að róast og réttlæta þessa vitleysu. Hvað sem öllu þessu líður þá er mín sannfæring sú að Ferrari verða heimsmeistarar í ár eins og svo oft áður.